2021-03-26 15:03:38, 940 ნახვა
საზოგადოება
სამხარაულის ექსპერტიზის ბიურო და რეგულირების სააგენტო ექთნის გარდაცვალებაზე დასკვნას 29 მარტს წარადგენენ
სამხარაულის ექსპერტიზის ბიურო და რეგულირების სააგენტო 27 წლის ექთნის გარდაცვალებაზე დასკვნას 29 მარტს წარადგენენ.
როგორც ჯანდაცვის მინისტრმა ეკატერინე ტიკარაძემ, ჟურნალისტებთან საუბრისას განაცხადა, ჯანდაცვის სამინისტრო დეტალუად განიხილავს ახალციხეში მომხდარ ფაქტს.
„ორშაბათს, ჯანდაცვის სამინისტროში გაიმართება საგანგებო სხდომა, სადაც იქნება წარმოდგენილი, როგორც რეგულირების სააგენტო, როგორც მოპასუხე, ასევე ექსპერტიზა თავისი დასკვნებით. ჩვენ განვიხილავთ დეტალურად ყველა მომხდარ ფაქტს, რომელიც განვითარდა ახალციხეში და შესაბამისად, საზოგადოებისთვის გახდება ცხადი, თუ რა მოვლენას ჰქონდა ადგილი ახალციხეში“, - განაცხადა ეკატერინე ტიკარაძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
