2021-03-26 11:08:26, 771 ნახვა
სამართალი
გიორგი შაქარაშვილის საქმეზე ბრალდებულ 3 პირს ამნისტია შეეხო
ფეხბუთელ გიორგი შაქარაშვილის საქმეზე ძალადობისა და სხეულის განზრახ მსუბუქ დაზიანების ეპიზოდზე ბრალდებულ 3 პირს: ირაკლი წიქაძეს, საბა გოგშელიძესა და საბა ჩხარტიშვილს ამნისტია შეეხო.
დღევანდელ სასამართლო პროცესზე გიორგი შაქარაშვილის მკვლელობისთვის მსჯავრდებულის, ბრალდებულების ეპიზოდში დაზარალებულად ცნობილი ვახტანგ ჩიქოვანის თანხმობის შემდეგ, პროკურორმა 3 პირზე სამართლებრივი დევნის შეწყვეტის გადაწყვეტილება მიიღო.
შეგახსენებთ, რომ ძალადობისა და სხეულის განზრახ მსუბუქ დაზიანებაში ბრალდებულები: საბა გოგშელიძე, საბა ჩხარტიშვილი და ირაკლი წაქაძე გასული წლის 11 იანვარს გირაოს სანაცვლოდ მას შემდეგ გათავისუფლდნენ, რაც მათ დანაშაული აღიარეს.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
