„რადიო თავისუფლების“ ჟურნალისტი, რიკარდ იოზვიაკი იუწყება, რომ ევროკავშირის საგარეო საქმეთა მინისტრებმა, შარლ მიშელის პირადი წარმომადგენლის, კრისტიან დანიელსონის მისიის გაგრძელებას საქართველოში მხარი დაუჭირეს.

აღნიშნულ საკითხს მხარი დღეს, ბრიუსელში გამართულ ევროკავშირის საგარეო ურთიერთობათა საბჭოს სხდომაზე დაუჭირეს, სადაც ბლოკში შემავალი ყველა წევრი ქვეყნის საგარეო საქმეთა მინისტრები მონაწილეობდნენ.

„ევროკავშირის საგარეო საქმეთა მინისტრებმა დღეს საქართველოს საკითხი განიხილეს. არ გამართულა ფართო დებატები. დენიელსონს მხარი დაუჭირეს, თუმცა ჯერჯერობით უცნობია თარიღი, როდის დაბრუნდება ის საქართველოში“, - წერს „რადიო თავისუფლების“ ჟურნალისტი.

შეგახსენებთ, რომ ევროპული საბჭოს პრეზიდენტის, შარლ მიშელის პირადი წარმომადგენელი, კრიტიან დანიელსონი საქართველოს 12 მარტს ეწვია. ის ასრულებდა ფასილიტატორის როლს ოპოზიციასა და ხელისუფლებას შორის მოლაპარაკებებში, თუმცა აღსანიშნავია, რომ დიალოგი მხარეებს შორის შეთანხმების გარეშე დასრულდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა