15 მაისს, როდესაც სუს-ის დრონები ძრწოლას დაიწყებენ, აქციაზე იმაზე მეტი ხალხი იქნება, ვიდრე კობახიძის თავზე თმა, -ამის შესახებ „ევროპული საქართველოს“ წევრმა, გიგი უგულავამ პარლამენტთან, ოპოზიციის სამოქმედო გეგმის წარდგენისას განაცხადა.

გიგი უგულავას თქმით, ოპოზიცია გადადის წინააღმდეგობის რეჟიმზე, რომელიც იქნება დამღლელი, თუმცა აუცილებელი.

„ეს ორი თვე იქნება უკომპრომისო, ჩვენ ვიცით, რომ ძალიან ბევრი წინააღმდეგობა იქნება, სუს-ს შნირობა გამოეყრება და სოფელ-სოფელ ჩვენს კვალზე ივლის, რომ ადამიანები შეაშინოს, მაგრამ მერწმუნეთ, რომ შიში დაძლეულია და ამას ნახავს ხელისუფლება 15 მაისს, როდესაც სუს-ის დრონები ძრწოლას დაიწყებენ და კობახიძე შეეშვება ჩვენი თავების თვლას, იმიტომ რომ ხალხი იქნება მეტი, ვიდრე მის თავზე არის თმა. ახლა ჩვენ უნდა გადავიდეთ აბსოლუტურად სხვა რეჟიმზე, რომელიც იქნება მომქანცველი, მაგრამ აუცილებელი. ეს არის მოძრაობა საქართველოსთვის“, - განაცხადა გიგი უგულავამ.

შეგახსენებთ, რომ ოპოზიციამ დღეს, საკანონმდებლო ორგანოსთან საერთო სამოქმედო გეგმა წარადგინა, მუშაობის საგანგებო რეჟიმზე გადასვლა და საპროტესტო აქციების უწყვეტი ტალღა დააანონსა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა