„ნაციონალური მოძრაობის“ წევრის, ზაალ უდუმაშვილის განცხადებით, დიალოგის გაგრძელება ხელისუფლებაზეა დამოკიდებული.

როგორც ზაალ უდუმაშვილმა ოპოზიციური პარტიების ლიდერების შეხვედრის დასრულების შემდეგ აღნიშნა, მოლაპარაკების პროცესი „ქართულმა ოცნებამ“ ჩაშალა.

„ყველამ დაინახა ვინ ჩაშალა მოლაპარაკებები. პრაქტიკულად, მთელი ამ ხნის განმავლობაში, ჩვენ ვიყავით მაქსიმალურად მზად, რომ მიგვეღწია შეთანხმებას და მათ შორის გვესაუბრა იმ კომპრომისებე, რომლებზეც ხშირად აპელირებდა „ქართული ოცნება“, საბოლოოდ ჩვენ მივიღეთ ყველა საკითხზე, არა მხოლოდ მთავარ საკითხებზე, პრაქტიკულად ყველა საკითხზე მივიღეთ „ქართული ოცნებისგან“ უარი, რამაც გამოიწვია მოლაპარაკებების ჩაშლა.

დიალოგის გაგრძელება დამოკიდებულია ხელისუფლებაზე, თუ ისინი მზად არიან დიალოგისთვის, ბუნებრივია ეს დიალოგი შესაძლოა გაგრძელდეს, მაგრამ თუ იმავე პოზიციაზე რჩებიან, რომ შეთანხმების არც ერთი ნაწილი მათთვის არ არის მისაღები, ბუნებრივია ამ დიალოგის გაგრძელებას აზრი არ აქვს, ამიტომ დაველოდებით დასავლელი პარტნიორების რეაქციას“, - განაცხადა ზაალ უდუმაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა