ქუთაისში "ნამახვანჰესის" მშენებლობის საწინააღმდეგო აქცია დასრულდა.

როგორც აქციის მონაწილეები აცხადებენ, ხელისუფლებას მათი მოთხოვნების შესასრულებლად ორი კვირა აქვს. წინააღმდეგ შემთხვევაში კი ქალაქის პიკეტირება მოხდება.

"ჩვენი პროტესტის მთავარი მიზანი არის ის რომ ხეობა, რომელიც ჩვენი კოლექტიური საკუთრებაა არავინ არ ვიცოდით მისი უცხოელისთვის გადაცემის შესახებ. რატომმ უნდა დაუმალო საზოგადოებას ასეთი ამბავი თუკი ის მართლა სარგებლის მომტანი იყო მოსახლეობისთვის.

მოვითხოვთ გაგვიწიონ იმ ათასობით ადამიანს ანგარიში, რომელიც დღეს ამ აქციაზე ვდგავართ და უკან წაიღონ ის თავისი დადგენილება, რომელიც არის უკანონო, ანტისახელმწიფოებრივი და აღიარონ თავისი დანაშაული. ეს არის ჩვენი მოთხოვნა. შეცდომების აღიარება უნდა ვისწავლოთ, უშეცდომო მხოლოდ ღმერთია, კიდევ ერთხელ ვამბობ აღიარონ შეცდომა, დაგვიბრუნონ ხეობა და ეს თურქული კომპანია გაუშვან აქედან .

ვიცი რომ ყველა აღელდით თურქის ფეხების ბაკუნის გამო ნამოხვანში, მე დარწმუნებული ვარ რომ ბეევრი თქვენგანი სწორედ ამის გამო მოხვედით იქ. ჩვენ პატივს ვცემთ სხვა სახელმწიფოებს, თუმცა ნურავინ გაბედავს შეეხოს ჩვენს ღირსებას. თუ ვინმეს გონია, რომ ქვას გვასროლინებენ და მერე გაგვანეიტრალებენ და იტყვიან რომ ეთნიკურ შუღლს ვაღრმავებთ არ გამოუვათ. ქართველ ხალხს საქმის კეთება პარტიულობის გარეშე შეგვიძლია. ნუ გვაშინებენ იმით, რომ გავტყდებით, ჩვენ საკუთარი მიწის დაცვა არასდროს არ მოგვწყინდება, თუ ამ ყველაფერს ხელისუფლება არ გაითვალისწინებს ეს იქნება მინიშნება, რომ ის დაპირისპირებას აღრმავებს. ჩავთვლით რომ ისინი არ ფიქრობბენ ჩვენზე და ამ შემთხვევაში ჩვენ მათ დავუპირისპირდებით, არავის არ ვაშინებთ, მაგრამ ნუ გვაიძულებენ ქვების სროლას, ეს არასწორი ფორმაა.

ჩვენ ვიქნებით აქაც, გარეჯშიც და აფხაზეთშიც. ვერავინ ვერ მოგვერევა, რადგანნ  სიმართლე ჩვენს მხარეზეა, ხელისუფლება ჩვენს ხმას თუ არ მოისმენს, იძულებული ვიქნებით, ქუთაისის პიკეტირება მოვახდინოთ. ორი კვირის შემდეგ ისევ აქ მოვალთ და აღარ წავალთ“, – აცხადებს აქციის ორგანიზატორი ვარლამ გოლეთიანი.

შეგახსენებთ, რომ რიონის ხეობაში ჰესის საწინაღმდეგო აქციები უკვე 126 დღეა რაც მიმდინარეობს.

დღეს აქციის ლოკაცია შეიცვალა და ხეობის ნაცვლად ხალხმა ქუთაისის ცენტრალურ ქუჩაზე გადაინაცვლა.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა