2021-02-17 10:12:39, 527 ნახვა
საზოგადოება
ვარკეთილში საცხოვრებელ სახლში გაჩენილ ხანძარს 60 წლამდე მამაკაცი ემსხვერპლა
თბილისში, ვარკეთილის მესამე მასივში საცხოვრებელ სახლში გაჩენილ ხანძარს 60 წლამდე მამაკაცის სიცოცხლე ემსხვერპლა.
როგორც „ექსპრესნიუსს“ საგანგებო სიტუაციების მართვის სამსახურში განუცხადეს, ცეცხლი კორპუსის მეექვსე სართულზე გაჩნდა, რის გამოც კორპუსიდან მოსახლეობის ევაკუაცია განხორციელდა.
„ცეცხლი ეკიდა მეექვსე სართულზე საცხოვრებელ ბინას, მეხუთე და მეშვიდე სართულების აივნებს. მოხდა კორპუსიდან მოსახლეობის ევაკუაცია, მეშვიდე სართულზე ბინაში ნაპოვნია მამაკაცის ცხედარი. ადგილზე მობილიზებულია 9 ეკიპაჟი, ხანძარი ლოკალიზებულია“, - აცხადებენ საგანგებო სიტუაციების მართვის სამსახურში.
ავტორი: ექსპრესნიუსი,
epn.ge (@expressnews.ge)
