ფეხბურთელ გიორგი შაქარაშვილის მკვლელობის საქმის პროკურორის, დავით ყაზარაშვილის განცხადებით, ბრალდებულები კითხვების დასმისას საკუთარ პოზიციებსა და ტყუილებში ირევიან.

მისი თქმით, ბრალდების მხარეს რომელიმე დაკავებულისგან სიმართლის მოსმენის მოლოდინი არ აქვს.

„არც ნიკა რევაზიშვილისგან და არც დანარჩენი ბრალდებულებისგან ისევე, როგორც ვასილ მახარაძესთან, იმის მოლოდინი არ არის, რომ რომელიმე მათგანი იტყვის სიმართლეს. თუმცა, მათი ე.წ. სიმართლეც ბოლომდე ვერ მიაქვთ, როცა ისმევა კითხვები, ეს ადამიანები ირევიან თავიანთ პოზიციებში, მათ მიერ დალაგებულ ვითარებებში, მოგონილ ტყუილებში. სასამართლო ისევე, როგორც ვასილ მახარაძის შემთხვევაში, დარწმუნდება მათ სიცრუეში“, -  განაცხადა დავით ყაზარაშვილმა.

ცნობისთვის, გიორგი შაქარაშვილის მკვლელობის საქმეზე მცხეთის რაიონულ სასამართლოში დღეს ბრალდებული ნიკა რევაზიშვილი და მისი ოჯახის წევრები დაიკითხებიან.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს