რესტორნები 6 თებერვალს თვითნებურად აღარ გაიხსნებიან, - ამის შესახებ რესტორატორთა ასოციაციის დამფუძნებელმა, შოთა ბურჯანაძემ მედიაცენტრ „მთავარში“ გამართულ პრესკონფერენციაზე განაცხადა.

როგორც მან აღნიშნა, რესტორნები 15 თებერვლამდე კვლავ მიტანის სერვისით გააგრძელებენ ფუნქციონირებას.

„გუშინდელი გადაწყვეტილება, რომელიც მთავრობის მიერ იქნა მიღებული, ეს არის ყინულის გალღობა და წინ გადადგმული ნაბიჯი იმ უფსკრულის ამოსავსებად, რაც საზოგადოებასა და ხელისუფლებას შორის შეიქმნა „ლოქდაუნებიდან“ გამომდინარე. შაბათს რესტორნებს დაანონსებული გვქონდა დაუმორჩილებლობის აქტი. სურვილი გვქონდა მიგვეღო სტუმრები რეგულაციების ფარგლებში. დღევანდელი გადაწყვეტილება, რომელიც მივიღეთ არის ის, რომ შაბათს დაგეგმილი აქცია არ ჩატარდება და რესტორნები მიტანის სერვისით გააგრძელებენ ფუნქციონირებას“, - განაცხადა შოთა ბურჯანაძემ.

ცნობისთვის, მთავრობის გადაწყვეტილებით, 15 თებერვლიდან კვების ობიექტები და რესტორნები ღია სივრცეში განაახლებენ ფუნქციონირებას.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს