2021-01-30 12:21:52, 811 ნახვა
ეკონომიკა
თბილისში, 200-მდე რესტორანმა, ბოიკოტის ნიშნად, 24 საათით მიწოდების სერვისი შეწყვიტა
თბილისში 200-მდე რესტორანმა 24 საათით მუშაობა და გატანის სერვისის მიწოდება შეწყვიტა.
"200-მდე რესტორანი შემოუერთდა ამ პროტესტს. კიდევ ერთხელ მივაწოდებთ მთავრობას ხმას, თუ რა მდგომარეობაში შეიძლება აღმოჩნეს სექტორი", - განაცხადა რესტორატორთა ასოციაციის დირექტორმა, შოთა ბურჯანაძემ.
სარესტორნე სექტორის წარმომადგენლების ამის პარალელურად, დღეს, მთავრობის ადმინისტრაციასთან საპროტესტო აქციას გამართავენ. აქცია 15:00 საათზე ჩატარდება.
სფეროს წარმომადგენლები მთავრობის გადაწყვეტილებებს გააპროტესტებენ. ისინი რესტორნების, კაფე-ბარებისა და ტრანსპორტის გახსნას მოითხოვენ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
