2021-01-27 14:37:25, 580 ნახვა
საზოგადოება
მეუფე იაკობი - თუ შევხედე, რომ პოლიტიკური პარტიები ვერ იქცევიან ისე, მესამე ძალა გექნებათ
ბოდბელმა მიტროპოლიტმა, მეუფე იაკობმა განაცხადა, რომ თუ ნახავს, რომ პოლიტიკური პარტიები შესაბამისად ვერ იქცევიან, ქვეყანაში მესამე ძალა გაჩნდება.
მისივე თქმით, ოპოზიციას არ აქვს იმხელა ძალა, რომ ქუჩაში ხალხი გამოიყვანოს.
„ქუჩაში იმდენი ძალა არ აქვთ რომ ხალხი გამოიყვანონ, წარმოიდგინეთ ახლა ეკლესიას რომ დასჭირდეს და ხალხს დაუძახოს, მასე ცოტა ხალხი გამოვა? რამე საჭირო რომ იყოს და რომ ვთხოვო ხალხს, როგორ გგონიათ, რამდენჯერ მეტი ხალხი გამოვა ხო? იმასაც გვაფიქრებინებენ რომ ჩავერიოთ, მაგასაც მოვიფიქრებთ თუ ასე გააგრძელეს, ასე გაგრძელება აღარ შეიძლება დაღუპავენ ქვეყანას.
თუ შევხედე რომ პოლიტიკური პარტიები ვერ იქცევიან ისე, მესამე ძალა თუ გაინტერესებთ, გექნებათ მესამე ძალა“, - განაცხადა მეუფე იაკობმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
