2021-01-22 17:34:48, 638 ნახვა

---

იენს სტოლტენბერგი - სტრასბურგის გადაწყვეტილება აძლიერებს მოწოდებას რუსეთის მიმართ, პატივი სცეს საქართველოს ტერიტორიულ მთლიანობას

„სტრასბურგის სასამართლოს გადაწყვეტილება აძლიერებს ჩვენს მოწოდებას რუსეთის მიმართ, პატივი სცეს საქართველოს ტერიტორიულ მთლიანობას“, - ამის შესახებ ნატო-ს გენერალურმა მდივანმა, იენს სტოლტენბერგმა განაცხადა.

როგორც ის აღნიშნავს, სასამართლოს გადაწყვეტილება ადასტურებს, რომ რუსეთს ეკისრება პასუხისმგებლობა ადამიანის უფლებების დარღვევაზე სამხრეთ ოსეთსა და აფხაზეთში.

„ადამიანის უფლებათა ევროპული სასამართლო გადაწყვეტილების თაობაზე კარგი ამბავი შევიტყვე. აღნიშნული ადასტურებს, რომ რუსეთს ეკისრება პასუხისმგებლობა ადამიანის უფლებების დარღვევაზე სამხრეთ ოსეთსა და აფხაზეთში, აღნიშნულია, რომ რუსეთი აკონტროლებს ორივე რეგიონს. ეს მხოლოდ აძლიერებს ჩვენს მოწოდებას მის მიმართ შეასრულოს საერთაშორისო სასამართლოს ნორმები და პატივი სცეს საქართველოს ტერიტორიულ მთლიანობას მის საერთაშორისოდ აღიარებულ ფარგლებში“, - განაცხადა იენს სტოლტენბერგმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი