2021-01-18 10:44:48, 583 ნახვა
სამართალი
თბილისში მსუბუქი ავტომობილი საპატრულო პოლიციის მანქანას შეეჯახა
თბილისში, მტკვრის მარცხენა სანაპიროზე ავტოსაგზაო შემთხვევა მოხდა.
არსებული ინფორმაციით, დიდი სიჩქარით მიმავალმა „ლექსუსის“ მარკის ჯიპის მძღოლმა, სავარაუდოდ, საჭე ვერ დაიმორჩილა და საპატრულო პოლიციის ეკიპაჟს შეეჯახა.
შემთხვევის შედეგად დაშავდა ორი პოლიციელი.
ავარია გვიან ღამით მოხდა. ადგილზე მობილიზებული იყო საპატრულო და სასწრაფო დახმარების ჯგუფები.
როგორც "ექსპრესნიუსს" შინაგან საქმეთა სამინისტროში განუცხადეს, მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ავტორი: ექსპრესნიუსი,
epn.ge (@expressnews.ge)
