2020-12-19 17:26:58, 572 ნახვა
საზოგადოება
სამოქალაქო აქტივისტები ჯანდაცვის მინისტრის გადადგომას ითხოვენ
ბოჭორიშვილის სახელობის კლინიკასთან, სადაც ჯანდაცვის მინისტრი, ეკატერინე ტიკარაძე ჯანდაცვის მსოფლიო ორგანიზაციის წარმომადგენელს ხვდებოდა, სამოქალაქო აქტივისტებმა აქცია გამართეს.
აქტივისტები მინისტრის გადადგომას მოითხოვენ. ისინი აცხადებენ, რომ ტიკარაძე არც ახალ მინისტრთა კაბინეტში უნდა იყოს.
მათი თქმით, მივლენ ყველგან, სადაც ეკატერინე ტიკარაძე იქნება და მას დისკომფორტს შეუქმნიან.
„მას არანაირი კომპეტენცია არ გააჩნია და ამით იხოცება უამრავი ადამიანი. პანდემია თვითონ ააფეთქეს. ახალმა მთავრობამ არ უნდა დაამტკიცოს მისი კანდიდატურა“, - განაცხადა აქტივისტმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
