სახალხლო დღესასწაული „ქედელობა 2020“ პანდემიასთან ბრძოლას მიეძღვნა.

ამის შესახებ ინფორმაციას ქედის მუნიციპალიტეტი ავრცელებს.

გთავაზობთ განცხადებას უცვლელად.

„სახალხლო დღესასწაული ,,ქედელობა 2020" პანდემიასთან ბრძოლას მიეძღვნა და შესაბამისად, ღონისძიების ბიუჯეტი  სოციალური მიმართულებით გადანაწილდა. ერთადერთ უცვლელ ფორმატად საპატიო ქედელების არჩევა დარჩა.

წელს, ქედის მუნიციპალიტეტის საპატიო წოდებებისა და ჯილდოების მიმნიჭებელმა საბჭომ, თემატურად 6 - ,,საპატიო ქედელი", 3 - ,,დამსახურებული მოღვაწე" და 1 ,,ქედის საპატიო მოქალაქე" აირჩია.

დაჯილდოების ცერემონია დღეს დისტანციურ ფორმატში გაიმართა. საბჭოს მიერ დასახელებულ ნომინანტებს საპატიო წოდებები ქედის მერმა ლევან გორგილაძემ, საკრებულოს თავმჯდომარე შუქრი თურმანიძესთან ერთად მიულოცა.

,,პანდემიური ვითარებიდან გამომდინარე, წელს სახალხო დღესასწაული ქედაში არ გაიმართა, თუმცა ვეცადეთ ღონისძიების ერთ-ერთი ძირითადი არსი - ჩვენი მუნიციპალიტეტის ღვაწლმოსილი ადამიანებისათვის საპატიო წოდებების მინიჭება და მათთვის გაწეული საქმიანობის გამო მადლობის გამოცხადება, არ დარჩენილიყო ყურადღების მიღმა!

ჩვენ ერთად დავამარცხებთ ახალ კორონავირუსს და მჯერა, გვექნება 2021 წლის ,,შემოდგომა ქედაში" ფართომასშტაბიანი, მრავალფეროვანი და სადღესასწაულო!

გისურვებთ ჯანმრთელობას!" - ქედის მერი ლევან გორგილაძე“, - წერია განცხადებაში.

ავტორი: NS (სტატია დაფინანსებულია),

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო