2020-12-11 11:46:43, 480 ნახვა
პოლიტიკა
დავით სერგეენკო - პარლამენტში ოპოზიციონერთა თავისუფალი სავარძლები ცალსახად დისკომფორტია
„ოპოზიციონერთა თავისუფალი სავარძლები ცალსახად დისკომფორტია“, - ამის შესახებ პარლამენტის ვიცე-სპიკერობის კანდიდატმა, დავით სერგეენკომ განაცხადა.
სერგეენკო იმედოვნებს, რომ ოპოზიცია პარლამენტში შესვლის შესახებ გადაწყვეტილებას მიიღებს.
„იმედი მაქვს, რომ მოლაპარაკებები და შეთავაზებები იქნება სწორად გააზრებული და ოპოზიციის ნაწილი მიიღებს პარლამენტში მონაწილეობას. ყველამ თავისი პასუხისმგებლობა უნდა აიღოს თავისი საქციელის გამო როგორც „ქართულმა ოცნებამ“, ასევე ოპოზიციამ. შეთავაზება ძალაშია და ოპოზიციას აქვს საშუალება მიიღოს გადაწყვეტილება. ოპოზიციონერთა თავისუფალი სავარძლები ცალსახად დისკომფორტია, რა თქმა უნდა“, - განაცხადა სერგეენკომ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
