2020-12-06 12:25:26, 740 ნახვა
კომენტარი
მეუფე გრიგოლი - ამ ეტაპზე ღვთისმსახურების წესში ცვლილებების შეტანა არ იგეგმება
ამ ეტაპზე ღვთისმსახურების წესში ცვლილებების შეტანა არ იგეგმება, - ამის შესახებ ფოთისა და ხობის მიტროპოლიტმა მეუფე გრიგოლმა განაცხადა.
მისი თქმით, თუ მსგავსი რამ დღის წესრიგში დადგა ამაზე იმსჯელებენ.
„ამ ეტაპზე ღვთისმსახურების წესში ცვლილებების შეტანა არ იგეგმება. თუ დღის წესრიგში დადგა აუცილებლობა, რა თქმა უნდა ამაზე ვიმსჯელებთ , თუმცა ჩვენ მაინც სპეციალისტებს ვუსმენთ და ვითვალისწინებთ მათ რჩევებს. ღვთისმსახურების დროსაც კი სასულიერო პირები პირბადეებით დგანან, ასევე მრევლი. ამ ეტაპზე მეტი რა უნდა გავაკეთოთ მე ვერ გეტყვით. ისეთი ვითარებაა ეკლესიაში, რომ სასულიერო პირებიც იზოლაციაში არიან, ზოგი დაავადებულია და ზოგიერთ ადგილში ღვთისმსახურების ჩატარება შეუძლებელია სასულიერო პირების დაინფიცირების გამო“, - განაცხადა მეუფე გრიგოლმა.
ავტორი: ექსპრესნიუსი,
epn.ge (@expressnews.ge)
