ე.წ. კარტოგრაფების საქმეზე დაკავებულების სასამართლო პროცესი დღეს გაგრძელდება

2020-11-30 10:34:00, 569 ნახვა

სამართალი

საქართველოს ტერიტორიების საწინააღმდეგოდ ჩადენილი ქმედების საქმეზე დღეს თბილისის საქალაქო სასამართლოში ივერი მელაშვილისა და ნატალია ილიჩოვას პროცესი გაიმართება.

დღევანდელ სხდომაზე სასამართლო აღკვეთის ღონისძიების გადასინჯვის საკითხზე იმსჯელებს. პროცესი 11:00 საათზეა ჩანიშნული.

როგორც ცნობილია, ბრალდებულების ადვოკატები სასამართლოს 2აღკვეთის ღონისძიების სახედ თავდებობას შესთავაზებენ.

შეგახსენებთ, რომ საქართველო-აზერბაიჯანის დემარკაციის კომისიის ექსპერტთა საბჭოს უფროსი, ივერი მელაშვილი და წევრი, ნატალია ილიჩოვა 7 ოქტომბერს დააკავეს. პროკურატურის ინფორმაციით, მათ ბრალად უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედება ედებათ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,