ეკონომიკის მინისტრის ნათია თურნავას განცხადებით, საკოორდინაციო საბჭოს მიერ მიღებული ახალი შეზღუდვები კვლავ წერტილოვანია და არ გამოცხადებულა „ლოქდაუნი“.

​მინისტრის თქმით, „ინფიცირებულთა გაზრდილი რიცხვი და ეპიდემია გაცილებით უფრო მეტად აზარალებს ეკონომიკას, ვიდრე მოკლევადიანი და ლოკალური შეზღუდვები“.

„შეზღუდვები, რასაც ჩვენ ვთავაზობთ და ამაზე საუბარი გვქონდა ამ დღეებში ბიზნესთან, არის კვლავაც არასაყოველთაო, ეს არ არის ე.წ  ლოკდაუნი. ეს შეზღუდვები არის ლოკალური, რადგან კონკრეტულ ქალაქებში განხორციელდება. ასევე, ეს არის არასაყოველთაო, არამედ სექტორული, რადგან კონკრეტულ სექტორებზე იქნება მიმართული, რომელიც ტრადიციულად არა მარტო ჩვენთან, არამედ ევროპაში, სხვა ქვეყნებში აგენერირებს უფრო მეტ მობილობას. ეს არის ძირითადად არასასურსათო ვაჭრობა, ბაზრობები, რესტორნები და ზამთრის კურორტები. ასევე, მნიშვნელოვანია, მიაქციოთ ყურადღება, რომ შეზღუდული ეკონომიკის სექტორები, შეზღუდული ბიზნესები არასრულად ჩერდება, გამონაკლისია მხოლოდ საქალაქო ტრანსპორტი, არამედ გადადის საქმიანობის სხვა ფორმაზე. მაგალითად, რესტორნები იმუშავებენ გატანის სერვისებით. ესეც მნიშვნელოვანია. იგივე ვაჭრობის ობიექტები  გადავლენ ონლაინვაჭრობაზე  და მიტანის სერვისზე, რაც უკვე აპრობირებული ფორმაა და ამისთვის ძირითადად,არიან მომზადებულები. საბითუმო ვაჭრობა გრძელდება, გრძელდება სხვა სამეწარმეო  საქმიანობა. ჩვენ თანმიმდევრულად ვახორციელებთ  ადაპტაციის პოლიტიკას და ამის გამოხატულებაა, რომ შეზღუდვები არის კვლავაც ლოკალური, წერტილოვანი, სექტორული და არა საყოველთაო ლოკდაუნი“, – განაცხადა თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა