ჩვენ ძალიან ვაფასებთ ამ მსხვერპლს და საქართველო უნდა ამაყობდეს, რომ ჰყავს ასეთი მებრძოლები,-ამის შესახებ ნატო-ს სამეკავშირეო ოფისის ხელმძღვანელმა უილიამ ლაჰიუმ თბილისის საერთაშორისო აეროპორტში განაცხადა, სადაც ცოტა ხნის წინ ავღანეთში დაღუპული ქართველი სამხედრო მოსამსახურე,  ვასილ ყულჯანიშვილი,  ჩამოასვენეს.

მან ნატო-ს სახელით,დაღუპული ჯარისკაცის ოჯახს თანაგრძნობა გამოუცხადა.

"მინდა,  ნატოს სახელით დაღუპული ჯარისკაცის ოჯახს თანაგრძნობა გამოვუცხადო. ეს ძალიან დიდი ტრაგედიაა და დიდი დანაკარგია ერისთვის, რომელსაც ასეთი დიდებული მებრძოლები ჰყავს. ისინი თავს წირავენ თავისუფლებასა და უსაფრთხეობას არა მხოლოდ საქართველოსთვის, არამედ მთელი მსოფლიოსთვის. ჩვენ ძალიან ვაფასებთ ამ მსხვერპლს და საქართველო უნდა ამაყობდეს, რომ ჰყავს ასეთი მებრძოლები",-აღნიშნა უილიამ ლაჰიუმ.

საქართველოს შეიარაღებული ძალების IV მექანიზირებული ბრიგადის 43-ე ბატალიონის პირველი კლასის რიგითი ვასილ გელას ძე ყულჯანიშვილი ავღანეთში, „მტკიცე მხარდაჭერის“ მისიის შესრულების დროს დაიღუპა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტუაფსეში ცეცხლმოკიდებული ნავთობტერმინალიდან ტოქსიკურმა ღრუბელმა ანაპამდე მიაღწია

თავისუფლების მოედანი EU-ის ელჩზე: დემოკრატიის დაცვა პარტნიორობაა და არა ჩარევა

პუტინმა ბრძანა, რომ რუსებს ინტერნეტზე წვდომა „თეთრი სიების“ საფუძველზე ჰქონდეთ

მიხეილ სააკაშვილი: არსაიდან გასვლას და არანაირ დემარშს არ ვაპირებ