უახლესი ტრენდები მობილურებსა და პლანშეტებში

2020-11-19 22:37:20, 1393 ნახვა

საზოგადოება

ტექნოლოგიური სიახლეები ყოველთვის საინტერესოა, მიუხედავად იმისა რომ ზოგიერთი მათგანი ქართულ ბაზარზე გვიან აღწევს, წარმოდგენა გვექმნება იმ ფუნქციონალზე რომელსაც თანამედროვე მობილური თუ პლანშეტი ატარებს. ყველაფერი უახლესი საკმაოდ ძვირი ღირს თუმცა არსებობს ლუქს კლასის პროდუქტი, რომელიც თავიდანვე სხვებზე მაღალი ფასით გამოდის ბაზარზე, და შედარებით ნაკლებ ფასიანი მას-პროდუქტი, რომელიც ეკონომ კლასს უმიზნებს.

2020 წლის შემოდგომაზე LG-მ წარადგინა ახალი მოდელი LG Wing. ორმაგი ეკრანის ახლებული ხედვის ნიმუში, ორად გაყოფილი გამოსახულება, ორ გვერდულად ერთმანეთზე დამაგრებულ ტელეფონს გავს თუმცა, საჭიროების შემთხვევაში ეკრანები ადგილს იცვლის და T ასოს მსგავს ფორმას იღებს, რაც ძალიან საინტერესოა, მაგრამ ჯერ არავინ იცის რამდენად მოსახერხებელია. ორმაგი ეკრანი აქამდეც აქტიუალური იყო და ბოლო წლებში სულ უფრო პოპულარული ხდება, ამიტომ ეს მოდელი არ არის სრულად ინოვაციური. ეს ვერსია საშუალებას იძლევა ერთდროულად რამდენიმე აპლიკაციით ისარგებლოთ და რამდენიმე საქმე აკეთოთ, რაც საბოლოო ჯამში თანამედროვე მომხარებლის ინტერესებს სრულად პასუხობს.

Moto Razr 5G ფორმასთან დაკავშირებული ორიგინალიური გადაწყვეტის, კიდევ ერთი ნიმუშია, რომელიც აცოცხლებს მოტოროლასთვის დამახასიათებელ „ლიფტიან“ ტელეფონებს და თანამედროვე ეკრანებთან კოლაბორაციაში გვთავაზობს. ფორმა ისევ და ისევ არ არის ძალიან ინოვაციური უბრალოდ დაიხვეწა მისი მოხერხებულობა, ასევე დაიხვეწა მასალა - სილიკონი, რპომელიც უფრო გამძლეა და ხელს უწყობს 5G თავსებადობას. გაიზარდა ასევე ელემენტის გამძლეობაც.

წელს ოქტომბერში გამოვიდა პირველი კეცვად ეკრანიანი ლეპტოპი Lenovo ThinkPad X1 Fold. როგორც ჩანს ტელეფონის ფორმებზე ექსპერიმენტები კომპიუტერულ ბაზარზეც გადავიდა და ახალი ტენდეცია აქაც ფეხს იდგამს. OLED ეკრანი და სხვადასხვა ზომების ხელმისაწვდომობა კომფორტულს ხდის ამ გაჯეტს ნებისმიერი საქმიანობისთვის. თქვენ შეგიძლიათ იმუშაოთ ნახევარ ეკრანზე, შეგიძლიათ ისარგებლოთ კლავიატურის ფუნქციონალით ან ხატოთ კალმით, ეს იდეალური გადაწყვეტაა მრავალფეროვანი საქმიანობისთვის.

iPad Air 4 არის ეფლის არაპროფესიონალური პლანშეტის ხაზის გაგრძელება, რომლის ვიზუალიც რადიკალურად არ შეცვლილა, თუმცა მომხმარებელს ექნება საშალება ფერთა მრავალფეროვნებით დატკბეს და ინდივიდუალური გემოვნების მიხედვით აირჩიოს სასურველი ფერის გაჯეტი. ასევე გაიზარდა ეკრანის ზომა, გაუმჯობესდა სენსორი და არსებული ფუნქციონალი კიდევ უფრო დახვეწილი გახდა. მათთვის ვისთვისაც ზოგადად ეფლი და პლანშეტი მოსახერხებელი და სასურველი პროდუქტია ეს მოდელი ფასითაც და შესაძლებლობებითაც უკმაყოფილოს არ დატოვებს.

ესეც ასე, ასეთია დღეის მონაცემებით სიახლეები ტექნოლოგიურ სფეროში, თუმცა წინ კიდევ ბევრი სიურპრიზი გველოდება, რადგან 2021 წელს არაერთი საინტერესო პროდუქტის გამოშვება იგეგმება.