2020-11-18 11:15:44, 503 ნახვა
პოლიტიკა
გიორგი გახარიას და მაიკ პომპეოს შეხვედრა დასრულდა
მთავრობის ადმინისტრაციაში პრემიერ-მინისტრ გიორგი გახარიას და აშშ-ს სახელმწიფო მდივან მაიკ პომპეოს შორის შეხვედრა დასრულდა.
როგორც ცნობილია, შეხვედრას ასევე ესწრებოდა საქართველოს საგარეო საქმეთა მინისტრი, დავით ზალკალიანი.
ამ წუთებში, მაიკ პომპეომ საქართველოს საპატრიარქოში გადაინაცვლა, სადაც ის კათოლიკოს პატრიარქ ილია მეორეს შეხვდება.
ცნობისთვის, მთავრობის ადმინისტრაციაში მისვლამდე, მაიკ პომპეო საქართველოს პრეზიდენტს, სალომე ზურაბიშვილს შეხვდა.
საქართველოში ვიზიტის ფარგლებში აშშ-ის სახელმწიფო მდივნის ბოლო შეხვედრა სამოქალაქო სექტორის წარმომადგენლებთანაა დაგეგმილი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
