მაიკ პომპეოს ვიზიტისას აქციები გაიმართება, მოეწყობა ე.წ ცოცხალი ჯაჭვი, თუმცა პოლიტიკური გამოსვლები არ იქნება

2020-11-13 13:45:46, 663 ნახვა

პოლიტიკა

მაიკ პომპეოს ვიზიტისას აქციები გაიმართება, მოეწყობა ე.წ ცოცხალი ჯაჭვი, თუმცა პოლიტიკური გამოსვლები არ იქნება.

ამის შესახებ პარტია "ევროპული საქართველოს" ერთ-ერთმა ლიდერმა, გიგი უგულავამ ჟურნალისტებთან საუბრისას განაცხადა.

"ეს არ იქნება პოლიტიკური გამოსვლების დღე, ცენტრალური გამზირებზე გამოვლენ ადამიანები, დაიცავენ სოციალურ დისტანციას, იქნება სპეციალური სტიკერები, სადაც ეწერება, რომ გაყალბებულია არჩევნები, მოპარულია. შესაბამისად ასე, ცოცხალი ჯაჭვით იქნება სავსე გამზირი. არ იქნება პოლიტიკური გამოსვლები, მაგრამ იქნება პოლიტიკური მოთხოვნები, იქნება პლაკატები და რა თქმა უნდა, იქნება ამერიკის ბევრი დროშა, როგორც მისალმება ჩვენი სტრატეგიული პარტნიორის მიმართ“, – განაცხადა უგულავამ.

შეგახსენებთ, რომ აშშ-ის სახელმწიფო მდივანი, მაიკ პომპეო საქართველოს 18 ნოემბერს ეწვევა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან