2020-11-04 22:04:04, 735 ნახვა
საზოგადოება
საბურთალოს საოლქო კომისიასთან „ერთიანი საქართელოს“ დეპუტატობის კანდიდატი დააკავეს
„ერთიანი საქართველოს“ ერთ-ერთი ლიდერის, ანზორ ბიწაძის განცხადებით, საბურთალოს საოლქო კომისიასთან მათი დეპუტატობის კანდიდატი დააკავეს.
ბიწაძის თქმით, დაკავებულია სიის მეოთხე ნომერი, ოთარ თავართქილაძე.
„დაკავებული არის ადამიანი, რომელსაც ამ მომენტამდე იცავს დეპუტატობის კანდიდატობის იმუნიტეტი, ჩვენი სიის მეოთხე ნომერი ოთარ თავართქილაძე და ასევე გამოაძევეს უკანონოდ სხდომიდან ჩვენი წარმომადგენელი ცესკოში. რაც ხდებოდა ოქმებში, გადმოვიდა რეალურ ცხოვრებაში. ჩვენ დავინახეთ, რომ დაკავებისას მას ურტყამდნენ. ეს დაინახეს თქვენმა კოლეგებმა. რაც ოქმებში ხდება, ის ხდება უკვე რეალურ საქართველოში. შეგრჩება ხელში ბიძინა კობახიძე," - განაცხადა ანზორ ბიწაძემ.
ავტორი: ექსპრესნიუსი,
epn.ge (@expressnews.ge)
