2020-11-02 16:26:21, 634 ნახვა
პოლიტიკა
თინა ბოკუჩავა - არჩევნების ლეგიტიმურობას ქართველი ხალხი ადგენს
პარტია ენმ-ს ერთ-ერთი წევრის, თინა ბოკუჩავას განცხადებით, ეუთოს სამაკვირვებლო მისიის წარმომადგენელმა მათთან შეხვედრაზე თქვა უმთავრესი რამ, რომ არჩევნების ლეგიტიმურობას ქართველი ხალხი ადგენს.
მისივე თქმით, ოპოზიცია არ ცნობს შედეგებს და ითხოვს ხელახალ არჩევნებს.
„ეუთოს მისიის ხელმძღვანელმა თქვა უმთავრესი რამ, რომ არჩევნების ლეგიტიმაციას და ვალიდურობას ადგენს ქართველი ხალხი, ხოლო განწყობას გამოხატავს დღევანდელი ქართული ოპოზიცია, რომელიც არის მეტად კონსოლიდირებული ვიდრე ოდესმე, რომელიც ამბობს, რომ ეს არჩევნები არ იყო ლეგიტიმური, რომ არ ვცნობთ მის შედეგებს და ვითხოვთ ახალ არჩევნებს“, - განაცხადა თინა ბოკუჩავამ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
