თუ ოპოზიციური პარტიები უარს იტყვიან პარლამენტში შესვლაზე, ეს პარლამენტი ვერ შედგება, - ამის შესახებ ფრაქცია „ნაცონალური მოძრაობის“ თავმჯდომარემ, რომან გოცირიძემ „ექსპრესნიუსთან“ საუბრისას განაცხადა.

როგორც მან აღნიშნა, ოპოზიცია გუშინდელი, 31 ოქტომბრის საპარლამენტო არჩევნებს ყველა ფორმით გააპროტესტებს, მათ შორის, ქუჩის აქციებით.

„არჩევნები ჩატარდა მოსყიდვის, ძალადობის, მუქარის და დაშინების თანხლებით, რაც მოსალოდნელიც იყო. „ქართული ოცნებისთვის“ ესეც არ აღმოჩნდა საკმარისი და პირდაპირ გადავიდა არჩევნების გაყალბებაზე. ცვლიდნენ ოქმებში შედეგებს და ზოგიერთ ოლქებში საერთოდ აყალბებდნენ ბიულეტენებს. ეს არის გაყალბებული არჩევნები, ამას არ ვაღიარებთ სამართლიანად და ლეგიტიმურად. არჩევნები არ ჩატარდა თავისუფლად, ამიტომ გამოყენებული იქნება პროტესტის ყველა ფორმა - ქუჩის აქციებით და სხვა გზებით უნდა ვაიძულოთ ხელისუფლება, რომ პატივი სცეს ხალხის ნებას და ხელისუფლება შეიცვალო კანონმდებლობის შესაბამისად. თუ ოპოზიციური პარტიები უარს იტყვიან პარლამენტში შესვლაზე, ბუნებრივია, ეს პარლამენტი ვერ შედგება“, - განაცხადა გოცირიძემ.

ავტორი: ექსპრესნიუსი,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს