მათი მიზანია ჩრდილი მიაყენონ საქართველოს დემოკრატიულ არჩევნებს და გამოუცხადონ მას წინასწარ უნდობლობა, - ასე ეხმაურება პარლამენტის თავმჯდომარე არჩილ თალაკვაძე ოპოზიციის მხრიდან დაანონსებულ აქციებს.

მისი თქმით, დაანონსებული შეკრებით ოპოზიცია უნდობლობას უცხადებს ქართველი საზოგადოების გადაწყვეტილებას.

„რაც შეეხება ოპოზიციის დესტრუქციული ნაწილის მიერ დაანონსებულ აქციებს, ჩვენ წინასწარ ვამბობდით, რომ მათი მიზანი არ არის ამ არჩევნებში პოზიტიურად და კონსტრუქციულად მონაწილეობა, არამედ მათი მიზანია ჩრდილი მიაყენონ საქართველოს დემოკრატიულ არჩევნებს და გამოუცხადონ მას წინასწარ უნდობლობა. მათ წინასწარაც ჰქონდათ აქტივობები, რომლითაც ცდილობდნენ არჩევნების დისკრედიტაციას და ახლაც, ამ შეკრების დაანონსება არის უნდობლობა. ოღონდაც, ეს არის უნდობლობა საკუთარი საზოგადოების და მოქალაქეების მიმართ, ვინც გააკეთა დემოკრატიული არჩევანი“, - განაცხადა თალაკვაძემ.

ავტორი: ექსპრესნიუსი,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს