„დღეს, საქართველოს და ნატოს პრაქტიკული და პოლიტიკური თანამშრომლობის ხარისხი არის უპრეცედენტოდ მაღალ ნიშნულზე. საქართველო ფლობს გაწევრიანების ყველა პრაქტიკულ ინსტრუმენტს და ჩვენი უმთავრესი პრიორიტეტი არის პრაქტიკული ინსტრუმენტების ეფექტიანი იმპლემენტაცია, ალიანსთან პოლიტიკური და პრაქტიკული თანამშრომლობის გაღრმავება და საქართველოში ალიანსის ხილვადობის გაზრდა, როგორც მრავალეროვნული სამხედრო წვრთნებით, მაღალი დონის ვიზიტებით და სამხედო ხომალდების საპორტო ვიზიტებით“, -ამის შესახებ საგარეო ურთიერთობათა კომიტეტის თავმჯდომარემ ირაკლი ბერაიამ „ქართული ოცნება-დემოკრატიული საქართველოს" საარჩევნო პროგრამის თემატურ პრეზენტაციაზე განაცხადა.

ირაკლი ბერაიას განცხადებით, საქართველოს ჰყავს ძლიერი საერთაშორისო პარტნიორები,  რომლებიც საქართველოს უჭერენ მხარს თავდაცვითი ძალების გაძლიერებაში. ეს თანამშრომლობა პირდაპირ უკავშირდება ქვეყნის შესაძლებლობების გაძლიერებას, ნატოსთან თავსებადობის გაზრდას, შეკავებას და ევროპულ და ევროატლანტიკურ სტრუქტურებში სრულფასოვან ინტეგრაციას.

„ნატო-საქართველოს განახლებული არსებითი პაკეტი სრულიად ახალ ეტაპზე გადაიყვანს ნატოსა და საქართველოს თანამშრომლობას. ჩვენ გავაგრძელებთ აქტიურ მონაწილეობას შავი ზღვის უსაფრთხოების უზრუნველყოფაში ასევე, ალიანსის მხრიდან, საქართველოს მხარდაჭერის ღონისძიებებში მათ შორის, ჰიბრიდულ თავდაცვაში, შავი ზღვის უსაფრთხოების ინიციატივის ფარგლებში საჰაერო სივრცის უსაფრთხოების რეგიონულ პროგრამაში და რა თქმა უნდა მრავალეროვნულ სამხედრო წვრთნებში“, - განაცხადა ირაკლი ბერაიამ.

საგარეო ურთიერთობათა კომიტეტის თავმჯდომარის განცხადებით, განსაკუთრებით პრიორიტეტულია მომდევნო წლებში, მთავარ სტრატეგიულ პარტნიორთან, ამერიკის შეერთებულ შტატებთან მტკიცე, ურთიერთმხარდაჭერაზე დაფუძნებული უპრეცედენტო თანამშრომლობის შემდგომი გაღრმავება.

„2019 წელს, უკვე მეორედ, ხელი მოეწერა საქართველოსა და ამერიკის შეერთებულ შტატებს შორის უსაფრთხოების ჩარჩო შეთანხმებას, რაც კიდევ ერთხელ ადასტურებს ჩვენი სტრატეგიული პარტნიორობის მნიშვნელობას და პრიორიტეტულობას. განსაზღვრული არის ორმხრივი თანამშრომლობის პრიორიტეტები და ჩვენთვის განსაკუთრებით მნიშვნელოვანი არის მათი წარმატებული განხორციელება. მომდევნო წლებში, ორმხრივი პრიორიტეტების ფარგლებში, საქართველო ჩამოყალიბდება მაღალი მზადყოფნის პარტნიორად, რომელიც იქნება უმნიშვნელოვანესი კონტრიბუტორი როგორც საერთაშორისო უსაფრთხოების განხორციელების მაგრამ ასევე, ექნება პირველ ყოვლისა, საფრთხეების შეკავების ეფექტიანი შესაძლებლობები. ჩვენ თავდაცვის სფეროში განვავითარებთ და კიდევ უფრო გავაღრმავებთ თანამშრომლობას ევროკავშირთან, ჩვენს პარტნიორ ქვეყნებთან ორმხრივ ფორმატებში და გადავდგამთ აქტიურ ნაბიჯებს ამ ურთიერთობების შემდგომი გაფართოებისთვის და განმტკიცებისთვის“, - განაცხადა ირაკლი ბერაიამ.

ავტორი: NS (სტატია დაფინანსებულია),

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება