ფაქტია, რომ რაღაცას აშკარად მალავს გამოძიება, რაც იწვევს საზოგადოების გაღიზიანებას და დაბნეულობას, - ასე ეხმაურება „ევროპული საქართველოს“ ზუგდიდის მაჟორიტარობის კანდიდატი, გიგი უგულავა, ზუგდიდში, ბანკის საქმეს.

მისი თქმით, ეს საქმე, ისევე როგორც სხვა საქმეები ივანიშვილის ხელისუფლების პირობებში, ბურუსით არის მოცული

როგორც მან აღნიშნა, სწორედ დაუსჯელობა წარმოშობს იმას, რა მდგომარეობამდეც მივიდა დღეს ქვეყანა.

„ფაქტია, რომ დაწყებული რაფალიანცის ბურუსით დაწყებული ინტერვიუდან, ზურაბ ჟვანიას საქმე, რომელიც შემდეგ გაყალბების ობიექტი იყო, შემდეგ იგივე ხორავას საქმე, სადაც იყო გაყალბების ნიშნები, მთელი რიგი საქმეებისა გაყალბებით მიმდინარეობს ამ ხელისუფლების პირობებში, ფაქტია, რომ გამოძიებით ხდება მანიპულირება.

ის განცხადება, რაც ჩვენ ვიხილეთ შინაგან საქმეთა სამინისტროდან, მხოლოდ და მხოლოდ კითხვებსა და ეჭვებს ბადებს, რომ აქაც გვაქვს ან გაწელვის მცდელობა, რომ არჩევნებამდე იქნება გამოავლინონ, რომ რაღაცას მაინც აკეთებენ, რადგან სხვა შემთხვევაში აბსოლიტურად ლოგიკას მოკლებულია, რომ თუ იცი ადამიანი და ის გაქცეულია, პირიქით, მის ფოტოებს აკრავ და აჯილდოვებ საზოგადეობას ვინც ინფორმაციას მოგაწვდის, ეს ხომ ახალი ველოსიპედი არ არის, ბოლო 3 საუკუნე ასე მუშაობს გამოძიება, ყველა ქვეყანაში ასე მუშაობს და რა გრელანდია აღმოაჩინა ასეთი და რა მეთოდი აღმოაჩინა ასეთი გომელაურმა.

ამიტომ, ფაქტია, რომ რაღაცას აშკარად მალავს გამოძიება, რაც იწვევს საზოგადოების გაღიზიანებას და დაბნეულობას და შემდეგ უკვე ათას ვერისას, ეს ჩანს უკვე, ეს ჩანდა წინა არჩევნების წინაც, როდესაც არჩევნებამდე 3 დღით ადრე ააფეთქეს გივი თარგამაძე და მის საქმეზე არანაირი შედეგი არ დამდგარა, იქაც სამხედროები ფიგურირებდნენ ფაქტია, რომ არავინ არ დასჯილა. ეს დაუსჯელობა, საბოლოოდ, წარმოშობს იმას, სადამდეც მივედით ჩვენ“, - განაცხადა გიგი უგულავამ.

შეგახსენებთ, რომ 21 ოქტომბერს ზუგდიდში, „საქართველოს ბანკში“ მძარცველი შეიჭრა, რომელმაც მძევლად 43 ადამიანი აიყვანა და სახელმწიფოს ნახევარი მილიონი დოლარი მოსთხოვა.

საქართველოს მთავრობამ მძარცველს მოთხოვნები დაუკმაყოფილა, რის შემდეგაც ის მძევლებთან ერთად გაიქცა. რამდენიმე საათის შემდეგ მძარცველმა მძევლები გაათავისუფლა და მიიმალა.

ავტორი: ექსპრესნიუსი,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება