2020-10-21 18:28:30, 693 ნახვა

---

კობახიძე: 19 ადამიანია გასათავისუფლებელი, „გლავკანალი“ და „პერვიკანალი“ კი პრემიერს დანაშაულის სტატისტიკაზე ეკითხება - სირცხვილია

19 ადამიანია გასათავისუფლებელი, „გლავკანალი“ და „პერვიკანალი“ კი პრემიერს დანაშაულის სტატისტიკაზე ეკითხება - სირცხვილია, - ამის შესახებ “ქართული ოცნების“ აღმსარულებელმა მდივანმა ირაკლი კობახიძემ პარტიის ოფისში გამართულ ბრიფინგზე განაცხადა.

აღნიშნულ ბრიფინგზე, გარდა ჟურნალისტებისა, კობახიძემ ოპოზიციაც გააკრიტიკა.

„მთავარი პრობლემაა, რომ მძევლები არიან გასათავისუფლებლები და დამატებით, მნიშველოვანი პრობლემებია, თუ როგორ იქცევიან კონკრეტული უპასუხისმგებლო პოლიტიკოსები და უპასუხისმგებლო მედიასაშუალებები, ათზე მეტი განცხადება იყო პოლიტიკოსების მხრიდან, ეს იყო პოლიტიკური ქულების დაწერის მცდელობა, რაც შეეხება მედიასაშუალებებს, ერთი, რომ იყო უპასუხისმგებლო ქმედებები და კონკრეტული ქმედებები სისხლის სამართლის დანაშაულის ნიშნებსაც კი შეიცავდა.

როდესაც ასეთი მძიმე ვითარებაა და 19 ადამიანია გასათავისუფლებელი და თქვენი ჟურნალისტი „გლავკანალის“ და „პერვიკანალის“ ჟურნალისტი მიდის პრემიერ გახარიასთან და ეკითხება დანაშაულის სტატისტიკის შესახებ, ეს არის სირცხვილი“, - განაცხადა კობახიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი