პარლამენტის თავმჯდომარე დავით უსუფაშვილის შეფასებით, გიგი უგულავასთან დაკავშირებით ბოლო დროს განვითარებული მოვლენები შესაძლოა, სახელმწიფოებრივ ცხოვრებაში აღმოჩნდეს, როგორც ერთ-ერთი გარდამტეხი და მნიშვნელოვანი მოვლენა.

თუმცა, უსუფაშვილის თქმით, ეს პროცესი არ იყო ყველაზე უფრო „საამაყო ფურცელი“ სახელმწიფოებრივ ცხოვრებაში.

უსუფაშვილს პრეტენზია აქვს იმასთან დაკავშირებით, რომ ძირითად საქმეებზე სასამართლო პროცესები წელიწადნახევარზე მეტია გაგრძელდა.

„ჩვენ ყველა უნდა შევეგუოთ იმ ამბავს, რომ სანამ სასამართლოს განაჩენით არ არის ვინმე დამნაშავედ გამოცხადებული მანამდე ადამინი არის უდანაშაულო. რაც არ უნდა წარმოდგენები გვქონდეს ჩვენ მასზე, რაც არ უნდა მოგვწონდეს ვინმე ან არ მოგვწონდეს. წინასწარ პატიმრობას აქვს თავისი ვადები. ყველა და მათ შორის პროკურატურა, პოლიცია, სასამართლო ორგანოები უნდა ჩაეტიონ ამ ვადებში. ეს ვერ გაგრძელდება დაუსრულებლად. სასამართლო პროცესები ძირითად საქმეებზე მიმდინარეობდა წელიწადნახევრზე მეტია. მე პირადად პრეტენზია მაქვს იმაზე, რომ ეს საქმეები სასამართლოში ამ დროის განმავლობაში არ უნდა გაგრძელებულიყო. ორივე მხარეს ვისურვებდი, რომ მეტი დამაჯერებლობა ჰქონდეს. მათ ხელთ არსებული პროცედურული იარაღი ის, რაც საკონსტიტუციო კოდექსით დადგენილია მბრალდებელის თუ დაცვის მხარისთვის უფრო ცივილურად იყოს გამოყენებული“,-განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა

გახარიას პარტია: პატარიძე კანდიდატად კონსტიტუციის აშკარა და უხეში დარღვევით წარადგინეს