ღვინის ეროვნული სააგენტოს ინფორმაციით, 20 სექტემბრის 12.00 საათის მონაცემებით, კახეთის რეგიონში  24,2 ათას ტონამდე ყურძენია გადამუშავებული. მათ შორის, 8,8 ათას ტონამდე რქაწითელი, 10,2 ათას ტონამდე საფერავი, 1,1 ათას ტონამდე კახური მწვანე და 4,1 ათას ტონაზე მეტი სხვა ჯიშის ყურძენი. 
მათივე ცნობით, ყურძნის რეალიზაციის შედეგად მიღებულმა შემოსავლებმა კახეთის რეგიონში 14 მლნ ლარს მიაღწია. 
კახეთში რთველი აქტიურ ფაზაშია შესული - განვლილი 24 საათის განმავლობაში  5 ათას ტონამდე ყურძენი გადამუშავდა. რთველი კახეთის თითქმის ყველა მუნიციპალიტეტში მიმდინარეობს. 
ყველაზე დიდი რაოდენობით - 6,7 ათას ტონამდე ყურძენია გადამუშავებულია გურჯაანის მუნიციპალიტეტში.
კახეთში ყურძნის გადამუშავების პროცესში ჩართულია 47 ღვინის მწარმოებელი კომპანია, მათ შორის,  სახელმწიფოს მიერ დაქირავებული 11 ღვინის საწარმო",-აცხადებენ ღვინის ეროვნულ სააგენტოში.
რთველის მიმდინარეობის შესახებ მოსახლეობის ინფორმირების მიზნით, მუშაობს ცხელი ხაზი 2 47 01 01 და სპეციალური ინტერნეტ საიტი www.rtveli2015.gov.ge.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პრინცი ჰარი მოულოდნელი ვიზიტით კიევს ეწვია

კობახიძემ თქვა, რომ რუბიოსთან დახურულ თემეზე ისაუბრა

მიხეილ სააკაშვილი: სპონტანური საპროტესტო აქციები რეჟიმისთვის ყველაზე დიდ საფრთხეს წარმოადგენდა

ენმ-ის თავმჯდომარე: ოპოზიციურ ალიანსში გაწევრიანების გადაწყვეტილება სააკაშვილის ინიციატივით იქნა მიღებული