2021 წლის ბიუჯეტის პროექტს დღეს საპარლამენტო ფრაქციებში განიხილავენ

2020-10-12 09:53:03, 455 ნახვა

პოლიტიკა

2021 წლის სახელმწიფო ბიუჯეტის პროექტის განხილვა დღეიდან საპარლამენტო ფრაქციების ფორმატში გაგრძელდება.

მთავარ ფინანსურ დოკუმენტზე მსჯელობა ოპოზიციურ ფრაქციებში - „ევროპულ საქართველოსა“ და „ნაციონალურ მოძრაობაში“ მოხდება.

ფრაქციებს ბიუჯეტის კანონპროექტს ფინანსთა მინისტრის მოადგილე გიორგი კაკაურიძე გააცნობს.

როგორც ცნობილია, სახელმწიფო ბიუჯეტის განხილვას „ევროპულ საქართველო“ დაესწრება, ხოლო „ნაციონალური მოძრაობის“ გადაწყვეტილება დღეს გახდება ცნობილი.

2021 წელს სახელმწიფო ბიუჯეტის ხარჯები 1 147.6 მილიონი ლარით იზრდება. რაც შეეხება მომავალი წლის მთავარი ფინანსური დოკუმენტის ხარჯვით ნაწილს, ის 17 მილიარდ ლარს შეადგენს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,