2020-10-06 12:28:34, 1196 ნახვა
სამართალი
აზერბაიჯანის პროკურატურა - დაღუპულია 27 და დაშავებულია 141 მშვიდობიანი მოქალაქე
6 ოქტომბრის დილის მონაცემებით, სომხეთის შეიარაღებული ძალების მიერ დაბომბვის შედეგად დაღუპულია 27, - ამის შესახებ ინფორმაციას აზერბაიჯანის პროკურატურა ავრცელებს.
პროკურატურის ცნობით, დაბომბვის შედეგად 141 მშვიდობიანი მოქალაქე დაშავდა.
აღსანიშნავია ისიც, რომ დანგრეული სამოქალაქო ინფრასტრუქტურის ობიექტებისა და საცხოვრებელი სახლების რაოდენობაც გაიზარდა. ამ დროისთვის დაზიანებულია 63 ობიექტი და 376 საცხოვრებელი სახლი.
შეგახსენებთ, მთიან ყარაბაღში საბრძოლო მოქმედებები 27 სექტემბრის შემდეგ დაიწყო და დღემდე არ წყდება. დაღუპული და დაშავებულია ასობით ადამიანი. მათ შორის არიან მშვიდობიანი მოქალაქეებიც.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
