2020-10-03 15:33:34, 681 ნახვა
სამართალი
ტყიბულში ავტოსაგზაო შემთხვევას 22 წლის ბიჭის სიცოცხლე ემსხვერპლა
ტყიბულის მუნიციპალიტეტში, სოფელ ხრესილთან ავარიას 22 წლის ბიჭის სიცოცხლე ემსხვერპლა.
არსებული ინფორმაციით, ავტომანქანა ბარდიურს შეეჯახა.
მძღოლი და ერთი მგზავრი მძიმე დაზიანებებით ტყიბულის და ქუთაისის სასწრაფო სამედიცინო დახმარების ბრიგადებმა ქუთაისის კლინიკებში გადაიყვანეს.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ავტორი: ექსპრესნიუსი,
epn.ge (@expressnews.ge)
