თენგიზ ცერცვაძე თბილისის ინფექციური პათოლოგიებისა და შიდსის ცენტრის დირექტორის თანამდებობაზე რჩება.

ამის შესახებ განცხადება საავადმყოფოს პრესსამსახურის წარმომადგენელმა გიორგი ბერიძემ გააკეთა.

მისივე თქმით, ცერცვაძე მმართველი პარტიის აქტიურ მხარდამწერად დარჩება.

„ამ დროისთვის ინფექციური საავადმყოფოს გენერალური დირექტორი თენგიზ ცერცვაძე თანამდებობაზე რჩება. იგი აგრძელებს კოვიდცენტრების მართვას. ხვალ ბატონი თენგიზი მიემგზავრება აჭარაში, სადაც ეპიდვითარებას ადგილზე გაეცნობა.

გარდა ამისა, ბატონი თენგიზისგან მე მაქვს ინფორმაცია, რომ ის რჩებოდა და რჩება მმართველი პარტიის აქტიურ მხარდამჭერად. მე არ მაქვს ინფორმაცია, რომ თენგიზ ცერცვაძე პრემიერსა და ხელისუფლების წარმომადგენლებს შეხვდა. ერთადერთი, მქონდა მასთან ორჯერ კომუნიკაცია. ტელეფონით საუბრისას მან მითხრა, რომ 7 საათისთვის იქნებოდა ის სამსახურში. მეორედ - ის მოვიდა და გადმომცა საზოგადოებისთვის მისი გეგმების შესახებ.

დღეს ძალიან ბევრი კითხვები იყო, რომ ბატონი თენგიზი ვერ მოხდა მმართველი გუნდის საარჩევნო სიაში. დარწმუნებით შემიძლია გითხრათ, რომ არც არასდროს ჰქონია სურვილი თენგიზ ცერცვაძეს, რომ პარლამენტში მოხვედრილიყო“, - აღნიშნა გიორგი ბერიძემ.

შეგახსენებთ, რომ დღეს მედიაში გავრცელდა ინფორმაცია, რომ ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის დირექტორი, თენგიზ ცერცვაძე თანამდებობას ტოვებს.

ავტორი: ექსპრესნიუსი,

სოციალური ქსელები

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია

პაპუაშვილი: რეზოლუციებმა საბოლოოდ გადაკვეთეს ქართველი ხალხის მიერ დადგენილი წითელი ხაზები