საბურთალოს N2 საარჩევნო ოლქში „ნაციონალური მოძრაობის“ წევრი და საოლქო კომისიის წარმომადგენლები ერთმანეთს დაუპირისპირდნენ.

„ნაციონალური მოძრაობის“ წარმომადგენლები ოლქში მიმდინარე პროცესებზე დასწრებას ითხოვდნენ, რისი უფლებაც არ მისცეს.

 „არ მაძლევენ დასწრების უფლებას, ბუნებრივია ამაზე მქონდა პროტესტი და დავაფიქსირე ცესკოს ცხელ ხაზზეც, სადაც მიპასუხეს, რომ შევალ თუ არა ეს დამოკიდებულია საოლქო საარჩევნო კომისიის თავმჯდომარის ფოლადაშვილის ნება-სურვილზე“, - განაცხადა „ნაციონალური მოძრაობის“ წარმომადგენელმა, ლია გიორგაძემ.

თამაზ ფოლადაშვილმა განაცხადა, რომ „ნაციონალური მოძრაობის“ წარმომადგენლების მხრიდან ადგილი აქვს პროვოკაციას.

„ამ სხდომაზე დასწრების უფლება აქვს შესაბამის წარმომადგენელს. მხარეებს განემარტათ მათი უფლებამოსილებები, თუმცა როგორც იქცევიან და როგორც მოიქცნენ თქვენ თვითონ ხედავთ და ნახეთ“, - განაცხადა ფოლადაშვილმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა