პოლიტიკური პარტია „ერთიანი ნაციონალური მოძრაობის“ წარმომადგენლები შინაგან საქმეთა სამინისტროსთან აქციას მართავენ.

აქციის მონაწილეები ბოლო პერიოდში ოპოზიციურად განწყობილ მოქალაქეებზე გახშირებულ ზეწოლის ფაქტებს აპროტესტებენ.

„გუშინ მოხდა ძალადობრივი თავდასხმა ჩვენი საბურთალოს შტაბის წევრზე და ბიძინა ივანიშვილის მმართველობის ეს 8 წლიანი რეჟიმი გვირგვინდება იმით, რომ რეალურად, ნიღბიანი ადამიანები პოლიტიკური ნიშნით დევნიან, ცემენ და აყენებენ სხეულის მძიმე დაზიანებას ჩვენი შტაბის ერთ-ერთ წევრს. ვფიქრობ, ეს არის ის აგონია, რომელიც აქვს რეალურად დღევანდელ ხელისუფლებას. მათ ჰგონიათ, რომ გავა დრო და ადამიანები დაშინდებიან. მე ყოველდღე ვესაუბრები ამ ადამიანებს და არავითარი შიში არ არის, უფრო მეტად ბრაზდება ხალხი. დაუყონებლივ გამოიძიონ ეს საქმე, დააკავონ ის ადამიენბი, რომლებიც დაესხნენ თავს ჩვენი შტაბის წევრს, მოხდეს საქმეზე შსს-ს მხრიდან რეაგირება. უნდა ესმოდეს ბიძინა ივანიშვილსა და მის რეჟიმს, რომ ყველაფერი მათ წინააღმდეგ მობრუნდება“, - განაცხადა ხატია დეკანოიძემ ტელეკომპანია „ფორმულასთან“ საუბარში.

შეგახსნებთ, რომ გუშინ, გვიან ღამით „ნაციონალური მოძრაობის“ საბურთალოს შტაბის წევრზე, ლაშა ცუცქირიძეზე თავდასხმა მოხდა.

ავტორი: ექსპრესნიუსი,

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა