|
2020-09-12 16:19:45, 2472 ნახვა
საზოგადოება
თორნიკე რიჟვაძე: ბათუმისა და ქობულეთის გარდა, ხელვაჩაურშიც სწავლა საკლასო ოთახებში პირველი ოქტომბრიდან დაიწყება
აჭარის მთავრობის თავმჯდომარის, თორნიკე რიჟვაძის ხელმძღვანელობით აჭარაში კორონავისურთან დაკავშრებით შექმნილი სამუშაო ჯგუფის სხდომა გაიმართა. სამუშაო შეხვედრის შემდეგ შეჯამდა რეგიონში არსებული კოვიდვითარება და გაკეთდა განცხადებები მიღებულ გადაწყვეტილებებთან და ზომების გამკაცრებასთან დაკავშირბით. ,,მომატებული რისკების ფონზე ჩვენ ყველა მიმართულებით გავამკაცრეთ კონტროლი. ბათუმსა და ქობულეთს დაემატა ხელვაჩაური, სადაც სწავლა საკლასო ოთახებში განახლდება 1 ოქტომბრიდან, ხოლო მანამდე სწავლა დისტანციურ რეჟიმში განხორციელდება. მაღალმთიან აჭარაში სწავლა 15 სექტემბერს დაიწყება" - განაცხადა აჭარის მთავრობის თავმჯდომარემ. აჭარის ტურიზმის დეპარტამენტს დაევალა კოორდინაცია გაუწიოს სასტუმროებს, სადაც მოხდება უსიმპტომო პაციენტების მოთავსება და მკურნალობა. ,,ყველა უწყება მუშაობს გამართულად და შემდეგ დღეებში ველოდებით სიტუაციის დასტაბილურებას. რეგიონის ჩაკეტვის საკითხი დღის წესრიგში არ დგას. მიუხედავად იმისა, რომ დღეს დაგვიფიქსირდა რეკორდული მაჩვენებელი, 80-ზე მეტი კოვიდინფიცირებული, ჩვენ შემდგომ დღეებში ველოდებით, რომ ეს რიცხვი იქნება მნიშვნელოვნად შემცირებული. სიტუაცია არის აბსოლუტურად მართვადი, ყველა უწყება მუშაობს გამართულად და შემდეგ დღეებში ჩვენ ველით, რომ სიტუაცია დასტაბილურდება და ისევ ეფექტურად შევძლებთ ამ ყველაფრის მართვას, როგორც აქამდე ვაკეთებდით" - განაცხადა თორნიკე რიჟვაძემ. აჭარაში მიმდინარეობს სკოლების შემოწმება და მონიტორინგი. შემოწმების შედეგების თანახმად, სკოლების უმეტესობა აკმაყოფილებს სტანდარტს.
ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს
საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა
თბილისში კაცი დაჭრეს
„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს
მედია: ტრამპმა ზელენსკის მოუწოდა, გაბედულად იმოქმედოს რუსეთის წინააღმდეგ
ვიდეო/LIVE პატრიარქის ილია მეორის დაკრძალვა - პირდაპირი
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|


ავტორი: NS (სტატია დაფინანსებულია),



epn.ge (@expressnews.ge)