2020-09-11 19:08:32, 2595 ნახვა
საზოგადოება
პატარძლები და ივენთ მენეჯერები პარლამენტთან აქციას მართავენ
პარლამენტის მიმდებარე ტერიტორიაზე აქცია მიმდინარეობს.
პატარძლები, ივენთ მენეჯერები და გასართობი კომპანიების წარმომადგენლები საკანონმდებლო ორგანოსთან კოვიდ19-ის გამო დაწესებულ შეზღუდვებსა და რეგულაციებს აპროტესტებენ.
როგორც აქციის მონაწილეები განმარტავენ, ისინი არ შეუქმნიან საფრთხეს მოქალაქეების ჯანმრთელობას და დახურვის აუცილებლობის შემთხვევაში, დაიკეტებიან, თუმცა აღნიშნულის საპასუხოდ სახელმწიფოსგან უნდა მიიღონ დახმარება.
შეკრებულები აცხადებენ, რომ მათ ჰქონდათ მცდელობები შეხვედროდნენ ომბუდსმენს, ასევე მიმართეს შეხვედრის თხოვნით სახელმწიფოს, თუმცა უწყებიდან ჯერ არავინ გამოხმაურებიათ.
ავტორი: ექსპრესნიუსი,
epn.ge (@expressnews.ge)
