დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველოში კორონავირუსის ზრდის ტენდენცია შეინიშნება, მაგრამ ე.წ. სამფეროვანი შუქნიშნის მიხედვით, ჯერჯერობით ქვეყანა მწვანე ზონაშია.

მისი თქმით, საქართველოში ეპიდსიტუაცია კონტროლირებადი და სრულად მართვადია, თუმცა ეს დამშვიდების საფუძველს არ გვაძლევს.

„მიუხედავად იმისა, რომ ბოლო 10 დღის განმავლობაში, ქვეყანაში გვაქვს ვირუსის შემთხვევების ზრდის ტენდენცია. დღეს 34 შემთხვევა გვქონდა. ჩვენ გავაანალიზეთ ივლისის, აგვისტოს და სექტემბრის პირველი კვირის ე.წ. ინციდენტობის მაჩვენებლები. ინციდენტობა ნიშნავს 100 ათას მოსახლეზე ახალი შემთხვევების რაოდენობას. თუ ივლისის პირველ კვირაში გვქონდა 0.7 ასი ათას მოსახლეზე, აგვისტოში გვაქვს 1.2 და სექტემბრის პირველ კვირაში გვაქვს 5.3, რაც იმას ნიშნავს, რომ ტენდენცია ზრდისა არის, მაგრამ ჩვენი ე.წ. სამფეროვანი შუქნიშნის მიხედვით, ჯერჯერობით ჩვენ ვართ მწვანე ზონაში. ყვითელი ანუ გამაფრთხილებელი ზონა იწყება როდესაც 100 ათას მოსახლეზე 10-დან 30-მდე არის და შემდეგ წითელ ზონაში გადადიხარ. კიდევ ერთხელ ხაზს ვუსვამ, რომ ჩვენ გვაქვს კონტროლირებადი და სრულად მართვადი ეპიდსიტუაცია, მაგრამ ეს არ ნიშნავს, რომ ჩვენ თვითდამშვიდებული უნდა ვიყოთ, რადგანაც ზრდის ტენდენცია არის. რომელიც პროგნოზირებადი იყო. ჩვენ გამოვიარეთ ძალიან აქტიური სეზონი შიდატურიზმის მხრივ, განსაკუთრებით აჭარაში და იმიტომაც გვაქვს იქ ახალი შემთხვევების მომატებული რაოდენობა“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს