დღეიდან საქართველოს საჯარო სკოლებში სასწავლო პროცესი განახლდა.

თავდაცვის მინისტრის მოადგილე ანა დოლიძე გარდაბნის მუნიციპალიტეტის სოფელ ვაზიანის მე-2 საჯარო სკოლას ესტუმრა და მოსწავლეებს, მათ მშობლებსა და  მასწავლებლებს  სასწავლო წლის დაწყება მიულოცა.

ანა დოლიძემ პირველკლასელებს სიტყვით მიმართა, წარმატებები უსურვა და განათლების მნიშვნელობაზე ისაუბრა.

„მნიშვნელოვანია, რომ ყველასთვის ხელმისაწვდომი იყოს განათლება. წიგნებისა და  კომპიუტერების დარიგებით ჩვენ სიმბოლურად უნდა ვაჩვენოთ, რომ ყველა ბავშვს, მიუხედავად იმისა, თუ რომელ სკოლაში სწავლობს, უნდა ჰქონდეს განათლების მიღების ერთნაირი შესაძლებლობა. ჩვენთვის ეს სკოლა მნიშვნელოვანია იმიტომ, რომ სამხედრო ნაწილის გვერდით მდებარეობს და იმედია, ჩვენი თანამშრომლობა და მეგობრობა გაგრძელდება“, - განაცხადა თავდაცვის მინისტრის მოადგილემ და პატარებს  დაჰპირდა, რომ სასწავლო წლის ბოლოს კვლავ ესტუმრება.

ანა დოლიძე ვაზიანის მე-2 საჯაროს სკოლის პედაგოგებსა და მოსწავლეების მშობლებს პირადად  გაესაუბრა, შემდეგ კი საკლასო ოთახები და სკოლის ინფრასტრუქტურაც დაათვალიერა.

სასწავლო პროცესის განახლება  სკოლაში საზეიმო ღონისძიებით აღინიშნა, სადაც მუსიკალური ნომრები სხვადასხვა ასაკის მოსწავლეებმა წარმოადგინეს; შესრულდა საქართველოს სახელმწიფო ჰიმნი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება