თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით გარდაცვლილი მე-19 პაციენტს მენჯ-ბარძაყის მოტეხილობა და მძიმე ემოციური ფონი ჰქონდა.

მისივე თქმით, მოტეხილობამ ემბოლეა გამოიწვია, რის შემდეგაც პაციენტი გარდაიცვალა.

„გარდაცვლილ პაციენტს აღენიშნებოდა მენჯ-ბარძაყის მოტეხილობა და იყო ჭარბწონიანი, ამ პრობლემების გამო ჰქონდა საკმაოდ მძიმე ფსიქო-ემოციური ფონი. პაციენტი მეთვალყურეობდა ბინაზე, მას უვლიდა მისი და რომელიც იყო ასევე კოვიდინფიცირებული. მათი მეთვალყურეობა ხდებოდა ჩვენს მიერ. უშუალოდ მე მქონდა პაციენტის დასთან კომუნიკაცია. დღის განმავლობაში რამდენჯერმე დგებოდა ჩვენი საუბარი. მათი დაავადება მიმდინარეობდა თითქმის უსიმპტომოდ, მაგრამ განვითარდა ცხიმოვანი ემბოლეა, რომელიც მოტეხილობამ გამოიწვია და პაციენტი გარდაიცვალა ამ მიზეზის გამო. ამ პაციენტის პირველწყარო უკავშირდება ლენჯერს“, - განაცხადა მარინა ეზუგბაიამ.

შეგახსენებთ, რომ საქართველოში კორონავირუსით 19 ადამიანი გარდაიცვალა.

ავტორი: ექსპრესნიუსი,

სოციალური ქსელები

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს

მადიარი ზელენსკის ულტიმატუმის ენით ესაუბრება და რუსული ნავთობის მიწოდების განახლებას ითხოვს