როცა ჯარისკაცები ბოლომდე იბრძოდნენ, სად იყვნენ ხელისუფლების წარმომადგენლები? - ასე გამოეხმაურა წინა ხელისუფლების აგვისტოს ომისას მოქმედებას პარლამენტის თავმჯდომარე არჩილ თალაკვაძე.

მისი თქმით, ის რომ მოსახლეობა ომში ევაკუაციის გარეშე დატოვეს, სხვა განსჯის საკითხია.

„რუსეთი ახორციელებს საქართველოს ტერიტორიების ოკუპაციას საერთაშორისო სამართლის პრინციპების წინააღმდეგ, რუსი კარისკაცები საქართველოს ტერიტორიაზე უკანონოდ იმყოფებიან და რუსეთმა 2008 წლის აგვისტოში კიდევ ერთხელ აგრესიით სცადა თავდასხმა საქართველოს თავისუფლებაზე.

2008 წლის აგვისტოში ჯარისკაცებმა იბრძოლეს ბოლომდე, მოსახლეობამ განიცადა დიდი ტანჯვა. სამწუხაროდ, დავკარგეთ ტერიტორიები. თუ როგორ მოიქცა მაშინდელი ხელისუფლება, რომელმაც დაუშვა შეცდომებთან ბევრი გადაწყვეტილება არასწორად მიიღო, მაგალითად მოსახლეობის ევაკუაციის გარეშე დატოვება, როცა ჯარისკაცები ბოლომდე იბრძოდნენ, სად იყვნენ ხელისუფლების წარმომადგენლები ესაა სხვა განსჯის საკითხი“, - განაცხადა თალაკვაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა