2020-08-05 13:54:36, 1951 ნახვა
პოლიტიკა
გიორგი ვაშაძე: ვაპირებ პრემიერობას - სხვაც თუ აპირებს, უნდა თქვას, მაგრამ უნდა წარადგინოს გეგმა
„სტრატეგია აღმაშენებლის“ ლიდერმა, გიორგი ვაშაძემ განაცხადა, რომ ის აპირებს პრემიერობას, ხოლო თუ სხვაც აპირებს, უნდა წარადგინოს საკუთარი გეგმა.
აღნიშნული კომენტარი ვაშაძემ გააკეთა იმასთან დაკავშირებით, რომ შესაძლოა, მიხეილ სააკაშვილიც პრემიერ-მინისტრობის კანდიდატად ვიხილოთ.
„მე ვაპირებ ამ ქვეყნის პრემიერ-მინისტრობას კონკრეტული მიზნით, რომ არცერთი მშიერი ადამიანი არ იყოს ქვეყანაში და ადამიანებს ნაგავსაყრელზე არ უწევდეთ საკვების ძიება. სხვა თუ აპირებს, რა თქმა უნდა, უნდა თქვას, მაგრამ თავისი გეგმა უნდა წარადგინოს რატომ, რისთვის, რა არის მთავარი მიზანი. ამიტომ დაველოდოთ, მე ვერანაირ პრობლემას ვერ ვხედავ“,- განაცხადა გიორგი ვაშაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
