ბოლნისის მუნიციპალიტეტის მერმა დავით შერაზადიშვილმა, სივრცითი მოწყობისა და ინფრასტრუქტურის სამსახურის უფროსთან კონსტანტინე კორძაძესთან ერთად სოფლების ჭაპალა-სამტრედოს დამაკავშირებელი გზის მოწყობის პროექტის მეორე ეტაპის დასრულებული სამუშაოები მოინახულა.

ინფრასტრუქტურული სამუშაოების ფარგლებში, 1300 გრძივ მეტრზე ბეტონის საფარი დაიგო და სანიაღვრეები მოეწყო.

პროექტი „რეგიონებში განსახორციელებელი პროექტების ფონდისა“ და ადგილობრივი ბიუჯეტის თანადაფინანსებით განხორციელდა და მისმა ღირებულებამ 717 000 ლარი შეადგინა.

ჭაპალა-სამტრედოს დამაკავშირებელ გზაზე ბეტონის დაგება 2019 წელს დაიწყო. მომავალ წელს კი რეაბილიტაციის მე-3, დასკვნითი ეტაპი განხორციელდება, რის შემდეგაც,აღნიშნულ მონაკვეთზე, მოსახლეობა თანამედროვე სტანდარტებთან შესაბამისი, კომფორტული ბეტონის გზით ისარგებლებს.

„სოფლების ჭაპალა-სამტრედოს დამაკავშირებელი გზის მოწყობის სამუშაოები დასრულდა. მოხარული ვარ, რომ უკვე მოსახლეობას კომფორტულ, თანამედროვე სტანდარტებთან შესაბამის ბეტონის გზაზე გადაადგილება უწევს. ამ მონაკვეთზე ბეტონის საფარის დაგების სამუშაოები გასულ წელს დაიწყო და გზის მოწესრიგება კვლავაც აქტიურად გაგრძელდება. ბოლნისის მუნიციპალიტეტისთვის საგზაო ინფრასტრუქტურის შექმნა ერთ-ერთი მნიშვნელოვანი პრიორიტეტია, წელს ამ მიმართულებით 13 მსხვილი პროექტი ხორციელდება, რისთვისაც 6 448 796 ლარია გამოყოფილი”, - განაცხადა ბოლნისის მუნიციპალიტეტის მერმა დავით შერაზადიშვილმა.

ავტორი: NS (სტატია დაფინანსებულია),

სოციალური ქსელები

კობახიძემ თქვა, რომ რუბიოსთან დახურულ თემეზე ისაუბრა

მიხეილ სააკაშვილი: სპონტანური საპროტესტო აქციები რეჟიმისთვის ყველაზე დიდ საფრთხეს წარმოადგენდა

ენმ-ის თავმჯდომარე: ოპოზიციურ ალიანსში გაწევრიანების გადაწყვეტილება სააკაშვილის ინიციატივით იქნა მიღებული

კობახიძე - მდინარაძეს ექნება გამორჩეული როლი სახელმწიფოებრივი გადაწყვეტილების მიღების პროცესში