2020-07-25 17:23:46, 4337 ნახვა
პოლიტიკა
გიორგი ვაშაძე: დიდუბე-ჩუღურეთის ოლქში უპარტიო კანდიდატზე ვფიქრობთ
„დარჩენილია დიდუბე-ჩუღურეთი, სადაც ვფიქრობთ, უპარტიო კანდიდატზე“, - ამის შესახებ „ახალი საქართველოს“ ლიდერმა გიორგი ვაშაძემ განაცხადა.
ვაშაძემ აღნიშნა, რომ საბურთალოს ოლქში, სავარაუდოდ, ბევრ მაჟორიტარ კანდიდატს დატოვებენ.
„ორშაბათს დაველოდოთ, ორშაბათს დილით გვექნება ამასთან დაკავშირებით განცხადება და იქ საბოლოოდ ფორმატს გეტყვით, როგორ ვიწყებთ არჩევნებში მონაწილეობას, რადგანაც დრო აღარ ითმენს, სწრაფად უნდა მივიღოთ ეს გადაწყვეტილება.
ვფიქრობ, საბურთალოს ოლქში, დავტოვებთ ბევრ მაჟორიტარ კანდიდატს, რომ ვცადოთ სხვა ტიპის კონკურენცია საარჩევნო თვალსაზრისით. 6 ოლქი შეთანხმებულია, გვყავს საერთო კანდიდატი, დარჩენილია დიდუბე-ჩუღურეთი, სადაც ვფიქრობთ, უპარტიო კანდიდატზე“, - განაცხადა ვაშაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
