2020-07-25 09:59:12, 3256 ნახვა
საზოგადოება
მესტიაში დაკარგულ 13 წლის ბიჭს მერვე დღეა ეძებენ
მესტიაში, სოფელ ლენჯერში დაკარგულ 13 წლის ილია ფილფანს უკვე მერვე დღეა მაშველები და პოლიციელები ეძებენ.
სამძებრო სამუშაოებში ჩართულები არიან მეხანძრე-მაშველები. ასევე, 20 ივლისს სამძებრო სამუშაოებში საგანგებო სიტუაციების მართვის სამსახურის ვერტმფრენიც ჩაერთო. სამძებრო სამუშაოები დრონების საშუალებითაც ხორციელდება.
ცნობისთვის, მოზარდი 18 ივლისს ველოსიპედით გავიდა სახლიდან და მას შემდეგ არავის უნახავს. ბიჭის გაუჩინარებაზე გამოძიება143-ე მუხლით დაიწყო, რაც არასრულწლოვნის მიმართ თავისუფლების უკანონო აღკვეთას გულისხმობს წინასწარი შეცნობით.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
