პრემიერი თამარ ბაჩალიაშვილის გარდაცვალებაზე - გაურკვეველ პირობებში ახალგაზრდა გოგოს გარდაცვალება უაღრესად მძიმე შემთხვევაა

2020-07-23 11:10:53, 3897 ნახვა

კომენტარი

ახალგაზრდა გოგოს გარდაცვალება გაურკვეველ პირობებში არის უაღრესად მძიმე შემთხვევა, - ასე გამოეხმაურა პრემიერ-მინისტრი გიორგი გახარია თამარ ბაჩალიაშვილის გარდაცვალების საკითხს.

პრემიერმა აღნიშნა, რომ ეს ოჯახის ტრაგედიას სცდება და ქვეყნის ტრაგედიაა.

„აუცილებლად უნდა გამოვეხმაურო ტრაგიკულ მოვლენას. რა თქმა უნდა, ახალგაზრდა გოგოს გარდაცვალება გაურკვეველ პირობებში არის უაღრესად მძიმე შემთხვევა. პირველ რიგში, სამძიმარს ვუცხადებ ოჯახს. ეს ტრაგედია სცდება ოჯახს, ესაა ქვეყნის ტრაგედია დ უნდა გვახსოვდეს, რომ მსგავს ტრაგიკულ მოვლენებს მეტი პასუხისმგებლობით მოეკიდნონ.

მინდა შსს-ს კიდევ მოვუწოდო მოქალაქეების პროაქტიული ინფორმირებულობისკენ. აუცილებელია საქმის სწრაფი და ეფექტური გამოძიება, მაგრამ ამასთან ერთად ყველაზე მნიშვნელოვანია ინფორმირება“, - განაცხადა პრემიერმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან