თურნავა - დიდი ალბათობით, ორშაბათიდან დაშვებული იქნება საგამოფენო საქმიანობები, ტრენინგები და კონფერენციები

ეკონომიკისა და მდგრადი განვითარების მინისტრის, ნათია თურნავას განცხადებით, დიდი ალბათობით, ორშაბათიდან დაშვებული იქნება საგამოფენო საქმიანობები, ტრენინგები და კონფერენციები.

მისივე თქმით, აღნიშნული საქმიანობების განხორციელება უსაფრთხოების პროტოკოლის სრული დაცვით იქნება შესაძლებელი, რომელიც ორშაბათამდე გამოქვეყნდება.

„გეგმაზომიერად კიდევ არის დარჩენილი საქმიანობები, რომლებზეც ვრცელდება შეზღუდვები და გარკვეული რაოდენობა სხვადასხვა ბიზნეს საქმიანობის დიდი ალბათობით, ორშაბათიდან იქნება უკვე დაშვებული. ესენი არის საგამოფენო საქმიანობა, ტრენინგები, კონფერენციები სასტუმროებში, იცით რომ საკმაოდ დიდი მოთხოვნა არის მიუხედავად იმისა, რომ ჩვენ საერთაშორისო ვიზიტორები მოგვაკლდა, მაგრამ თვითონ ჩვენ მოქალაქეებისთვის სხვადასხვა ორგანიზაციის ეგიდით მოთხოვნა იყო ტრენინგების, კონფერენციების, საქმიანი შეხვედრებიოს ჩატარების, ჩვენ ვიმსჯელეთ ეს მოთხოვნა, რომელიც მოდის სასტუმროებიდან, არის საკმაოდ რაციონალური და სამართლიანი. რა თქმა უნდა, ეს მოხდება წესების დაცვით პრაქტიკულად ჯანდაცვის სამინისტროს შემუშავებული აქვს პროტოკოლი და ორშაბათამდე ეს ყველაფერი იქნება გამოქვეყნებული. უსაფრთხოების პროტოკოლის დაცვით ეს იქნება კარგი გადაწყვეტილება ერთის მხრივ, რომ არ შეწყდეს ტრენინგ პროგრამები და მეორეს მხრივ, რომ დავეხმაროთ ჩვენს სასტუმროებს, რათა არ დაკარგონ ასეთ ღონისძიებებზე მომსახურების შესაძლებლობა. რაც შეეხება საგამოფენო საქმიანობას, ესეც მოხდება წესების დაცვით. გვრჩება გარკვეული მცირე რაოდენობა საქმიანობების ჯერჯერობით შეზღუდული. გვესმის ყველას პრობლემა. ეს არის ფიტნეს ცენტრები, აუზები, მაგრამ შედარებით მომატებული რისკის საქმიანობაა, თუმცა შემდეგ ეტაპებზე განვიხილავთ ამ საქმიანობებზე შეზღუდვების მოხსნას“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს